PRACHIN BHARAT KA AARTHIK BHOOGOL : EK VISHLESHANATMAK ADHYAYAN

sampoorn jad jangam srshti vibhinn prakaar ke padaarthon se aavrt hai jo ek jaal srshti hai bhoogol bhoogol ka ek viniyog paksh hai, jisake antargat manushy dvaara satat vikaasonmukh prakriyaon ke arth-pradatt kriya-kalaapon, takaneek tatha udyogon, van ya aakhet jaise praakrtik sampadaon ka aarthik dohan evan sansaadhanaatmak adhyayan kiya jaata hai . maanav do prakaar ke kriyaakalaapon ko sampann karata hai . pratham vah apane astitv ko kaayam rakhate hue sambandhit praakrtik vaataavaran se samaayojan kee prakriya mein saamanjasy sthaapit karata hai . bhojan praapti, aavaas, vastr, gamanaagaman aadi aise hee kriyaakalaapon ke antargat aate hain . doosara hai manushyetar aarthik kriya-kalaap . jab maanav apanee adhaar-bhoot aavashyakataon kee poorti kar leta hai to vah apane vikaas hetu kuchh any kaaryon ko sampaadit karata hai, jisaka lakshy usaka apana bhautik sanvarddhan karana hee nahin, balki kuchh laabh arjit karana bhee hai. inhen hee aarthik kriya-kalaap kaha jaata hai . yah aarthik bhoogol praacheen granthon mein chaahe vah kisee bhee bhaasha aadi se ankit ho mein vyaapt hain . jisaka samyak anusheelan aaj bhee apekshit hai . praacheen aarthik bhoogol vettaon ke roop mein brhaspati, shukr, kaamandak, kautily, kaalidaas, vaalmeeki, vyaas muni, paanini, manu evan patanjali aadi maneeshiyon ne aarthik bhoogol ke vikaas mein apane vishisht maton ko prastut kiya hai . in sabhee vishay vettaon ko dhyaan mein rakhate hue prastut shodh patr ke maadhyam se saahity ke kan-kan mein vyaapt aarthik bhoogol ke praan tatv ka varnan karane ka prayaas kiya ja raha hai .