Volume : 10, Issue : 6, JUN 2024
GAMBHIR SAMAJIK ANUCHINTAN BAL APRADH: EK SAMAJSHASTRIYA VISHLESHAN
PANKAJ SINGH
Abstract
jeevan, sanskrti, samaaj raashtr sabhee ka bhaavee vikaas aur nirmaan yuva peedhee par nirbhar hota hai arthaat hamaare aaj ke baalak hee kal ke samaaj ke srjanahaar honge. unaka naitik, saanskrtik, saamaajik, chaaritrik vikaas nishchit taur par ek utkrsht samaaj kee rachana karane vaala hoga . isamen koee do raay nahin kyonki baalak naitik roop se jitana samajhadaar hoga aane vaale kal ke samaaj mein in gunon ko bharana usake lie utana hee laajamee hoga . vartamaan kee baat karen to aaj samaaj ke naitik star mein atyant teevr gati se parivartan ho raha hai . vaishveekaran, udaaravaad tatha pashchimee unmukt svachchhandataavaad kee vajah se kisee bhee kaary ko bura nahin kaha ja sakata. aaj ke maanav kee maanasikata yah hai ki, “jaisee marjee vaisa karo aur tab tak karate chalo jab tak doosaron ko koee kshati na pahunche”. jan saamaany ke aadhaar par aaj jin maanadando ko naitik roop se uchit kaha jaata hai aagaamee peedhee ke lie vahee vidhvansak roop ko dhaaran karane vaale honge. svachchhand rati, nasheele dravyon ka prayog amerikee aur pashchimee sanskrti ke prati anukaran sabhee aparaadh kee shrenee ko janm dene vaalee bhaavanaayen hain. jabaki pashchimee deshon mein ye saamaany see baat hai . yahee kaaran hai kee aaj kee yuva peedhee baalyaavastha se hee pashchimee deshon kee sanskrti kee or teevrata se agrasar ho rahee hai aur sheeghrata se apane naitik star ko giraatee chalee ja rahee hai . use is baat ka gyaan hee nahin hai ki, kya bhala hai? kya bura hai? yahee kaaran hai ki, aaj baal aparaadh samaaj mein nirantar vrddhi ko praapt ho raha hai . vaastavikata yah hai ki, baal aparaadh ek gambheer chintan ka vishay hai . yah ek saamaajik vishay hai . isakee or dhyaan dena, is vishay par charcha karana, saamaajik kartavy hai . aisee kaun see bhaavanaen hain? kaun see vyavasthaen hain? jisake kaaran baalak aparaadh kee or agrasar ho jaate hain . kya unake jeevan mein naitikata ka lop hai? kya unake jeevan mein paarivaarik prem nahin hai? kya unaka jeevan anek prakaar kee vishamataon se paripoorn hain? aisa kya hai? kee vah baalyakaal se hee aparaadh kee or agrasar ho jaate hain . yah vaastav mein ek chintan ka vishay hai, gambheer vishay hai jise nakaara nahin ja sakata .
Keywords
saamaajik anuchintan, ‘baal aparaadh’, samaajashaastreey, baalyakaal, vishleshan, naitikata, saanskrtik, udaaravaad.
Cite This Article
-
Article No : 15
Number of Downloads : 70
References
1. Social Disorganization, - Elliot Mabel A. and Francis Merrill, E. (1950): Harper and Brothers, New York.
2. Delinquency Control - Car. Lavelle J., (1940): Christopher Publishing House, Boston.
3. Sociology of Deviant Behavior, - Clenard, M. B., Rinehart Winston, Inc. Holt, New York.
4. Cultural Society - Gillin, J. L. and Gillin, J. P. (1960):, McGraw Hill New York.
5. Delinquents and Non-Delinquents in Perspective, - Glueck and Sheldon, (1968): Harvard University Press, Cambridge.
6. Criminology - Taft, D. R., (1956):, Macmillan, New York.
7. Impact of Institutions on Juvenile Delinquents - Gokhale, S. D. (1969), United Asia Publications Ltd., Bombay.
8. Juvenile Delinquency, - Goddard, H. H. (1921): Dodd, Mead New York.
9. Juvenile Delinquency in Modern Society - Neumayer, M. H. (1977):, Little Bro, Boston.
