VARTAMAAN PARIDRISHYA MEIN NAVYUVAKON KE DRSHTIKON MEIN SANYUKT PARIVAR KA UBHARTA SVAROOP : EK SAMAJSHASTRIYA ADHYAYAN

sampoorn srshti ek kutumb ke roop mein jaanee jaatee hai. lekin vyaavahaarik taur par pratyek parivaar saamaajik sanrachana ka ek mahatvapoorn evan maulik ang hai jo samudaay ka rup dhaaran kar samaaj ke roop mein parivartit ho nirantar aadarshon ka nirvaahan karate hue apane apane lakshy kee or agrasar hota jaata hai . pratyek parivaar mein nirantar naveen peedhiyon ka aamana saamana apanee poorv peedhiyon kee vaichaarik dhaaranaon se hota hee rahata hai . phalasvaroop vaichaarik manthan anek prakaar se prabhaavit hote hain . usamen na keval parivaar ke mukhy sadasy balki baalak, yuva varg sabhee prabhaavit hote hain . vartamaan paridrshy mein vishv tanaav ko dekhate hue yadi saamaaj ke is ang kee or drshtipaat kiya jae to badhate hue bhautikavaad, audyogikavaad evan aadhunikavaad ke kaaran is paristhiti mein anek prakaar se antar dekhane ko milata hai . aaj ka samay pratispardha ka samay hai . svaarth aur lipsa kee poorti ka samay hai . pratyek baalak apane yuva hone se poorv hee na keval apane lakshyon kee kalpana karata hai balki sampoorn jeevan use kis prakaar se, kis star par aur kaisee jeevan shailee ke saath jeena hai? kis kis prakaar se use apane jeevan ko aakaar prakaar dena hai? in sab tak ke svapn vah poorv mein hee angeekaar kar unhen paripoorn karane ke lie apane karm path par badhane lagata hai . parivaar ka ek ang hone ke kaaran paarivaarik, saamaajik, aarthik roop se karmapath par aane vaalee visham paristhitiyaan use shool ke roop mein dikhaee detee hain . jinamen sanyukt parivaar ek aham mudda hai . jahaan yuva varg yadi svaarthapoorti kee aavashyakata hai to chaaron or sanyukt parivaar kee aakaanksha karata hai lekin yadi usake raaste mein usee ke parivaar baadha ho rahe hain to vah ekaakee hee chalane kee kaamana rakhata hai . atah yah ek gambheer vishay hai jo vartamaan mein vyaapak roop se samaaj ko prabhaavit kar raha hai . is shodh patr ke maadhyam se mera uddeshy vishesh roop se sanyukt parivaar ke prati yuvaon ke badalate hue drshtikon kee or hee drshtipaat karana hai kyonki vartamaan mein yuvaon ke madhy ho rahe naitik moolyon, aadarshon, maanaveey gunon ka hraas hee yuvaon ke hrday se, mastishk se aur man se sahanasheelata, tyaag, samarpan, prem, sahayog, dhairy, apanaapan aadi samast gunon ke lop ka kaaran hai aur isee ke phalasvaroop samaaj mein anek prakaar kee vishamata pratyek parivaar mein dekhane ko milatee hai. yadi ye gun hote to samaaj aaj bhee utana hee naitik aur vikasit hota jitana kee vaidik kaal mein tha . usee samay ko punah kalpit karane ke liye is or dhyaan dena vishesh apeksha ka vishay hai .