Volume : 10, Issue : 4, APR 2024
RAAJNEETIK PARIPREKSHYA MEIN DO BHIMRAO AMBEDKAR KE SAMAJIK NYAY KEE AVADHARANA : EK GAMBHIR CHINTAN
MOTI LAL NARAYAN LAL
Abstract
samaaj mein rahane vaale sabhee vyakti samaan hain isalie vyakti ke paraspar sambandhon mein kisee prakaar ka bhedabhaav nahin hona chaahie, kisee bhee vyakti ke saath dharm, jaati, ling, rang, nasl, aur bhaasha ityaadi ke aadhaar par bhedabhaav nahin hona chaahie lekin manushy kee varchasvavaadee soch kee vajah se manushy dvaara manushy ke lie har prakaar kee vishamataavaadee sthiti utpann hotee rahatee hai . adhikatar deshon mein aarthik vishamata kee vajah se sangharsh hote rahe hain lekin bhaarat mein aarthik vishamata ke saath-saath saamaajik vishamata ke khilaaph sadiyon-sadiyon se sangharsh hota raha hai, bhaarat mein shoshit vanchit samaaj ko saamaajik nyaay paane ke lie hamesha sangharsh karana pada hai . shoshit vanchit samaaj ko saamaajik bhedabhaav, aarthik bhedabhaav, raajaneetik bhedabhaav, dhaarmik bhedabhaav ka saamana hamesha karana pada hai . saamaajik nyaay ke lie pooree duniya mein aavaaj uthaane vaale buddh. kabeer, raidaas, phule, shaahoo, ambedakar, gaandhee, lohiya, kanphyooshiyas, pleto, sukaraat, ityaadi mahaan vibhootiyon ne bahut lamba sangharsh kiya hai . bhaarat mein jab raajatantr tha aur manusmrti dvaara raajakaaj chalaaya jaata tha to us daur mein dharm ke aadhaar par nyaay kiya jaata tha, manusmrti kaal mein saamaajik nyaay sabake lie upalabdh nahin tha, anek prakaar se anaaryon ka shoshan jaat paat, bhedabhaav, asprshyata ke aadhaar par hota tha. lekin is saamaajik anyaay ke khilaaph ladane ke lie samay-samay par bhaarat mein janmen santon guruon mahaapurushon aur veer veeraanganaon ne bahut lamba sangharsh kiya hai . is sangharsh gaatha kee mahatvapoorn kadee do0 aambedakar ke athak prayaason se 26 janavaree 1950 ko jab bhaarat mein sanvidhaan laagoo hua to saamaajik nyaay paane ke lie bhaarat ke bahujanon ko ek likhit dastaavej praapt hua jise ham bhaarateey sanvidhaan kahate hain jo ki shoshit vanchit samaaj ke lie hee nahin balki poore bhaaratavaasiyon ke lie suraksha kavach pradaan karata hai . unake anusaar saamaajik nyaay kee avadhaarana ka mukhy abhipraay yah hai ki naagarik naagarik ke beech saamaajik sthiti mein koee bhed na ho. sabhee ko vikaas ke lie samaan avasar upalabdh ho, vikaas ke mauke agade-pichhade ko unakee aabaadee ke mutaabik muhaiyon ho taaki samaajik vikaas ka santulan banaaya ja sake . saamaajik nyaay ka lakshy hona chaahie ki samaaj ka kamajor varg jo apana paalan karane ke lie bhee yogy na ho, unaka vikaas mein bhaageedaaree surakshit ho. jaise anaath bachche, dalit, alpasankhyak, gareeb log, mahilaen apane aap ko asurakshit na mahasoos karen .
Keywords
raajneetik pariprekshy, do bheemaraav ambedakar, saamaajik nyaay, avadhaarana, bhedabhaav, sankalpana, aadarsh, oonch-neech, naitik mooly.
Cite This Article
-
Article No : 19
Number of Downloads : 273
References
1. Punian, Ram ‘Social Justice An Illustrated Introduction’, Vani Prakashan, Prayagraj, 2010.
2. Ambedkar, Dr. B.R. ‘Annihilation of caste system’, Buddham Publication, Jaipur, 2017.
3. Aggarwal, Dr. Pradeep, ‘Great sociologist Baba Saheb Dr. Ambedkar’, Samyak Prakashan, New Delhi, 2018.
4. Narayan, Dr. Deep ‘Social Justice and Globalization’, Radha Publication, Delhi, 2018.
5. Ambedkar, Dr. B.R. ‘Constitution of India’, Buddham Publication, Jaipur, 2019.
6. Ambedkar, Dr. B.R., ‘Sangh vs. Independence’, Samyak Prakashan, New Delhi-2019.
7. Pathak, Dr. Shobhanath ‘Dr. B.R. Ambedkar Social Justice’, Reliance Publishing House, Delhi, 2019.
8. Prabhakar, Engineer D.K. ‘Reservation is the first step of social justice’ Notion Press, Mumbai, 2020.
9. Drishti, The Vision ‘Indian Society and Social Justice’, VDK Publications Pvt. LTD, New Delhi, 2022.
10. Kumar, Dr. Neeshu, 'Relevance of Acharya Vinoba Bhave's philosophy in modern Indian society', Nalanda Prakashan-2022, New Delhi.
